Global Investigasi News. Com – Nomaha mboli lada, helada side-side (rawit), bahegoi lada sebua (cabe merah), no’irugi mbolinia fa’ebua Rp. 200.000 sakilo.
Falukha samosa ira ina sowoli lada bazihulo wongi mowoli ia ba lafo (warung), toinia Lesmanawar isofu mboli lada sokhonia wa’atokea hana ebua si’ai mboli lada da’a..?
Isofu khonia wartawan Global hauga mboli lada yaho…. itema, imane hamatonga osu uhalo fulu ribu mboli nia,”ahera ia iboho mano mbawania, aefa da’o moi ia badete honda Beat soyo khonia, Rabu (3/12/2025).
Itohugo nasa fahuhuo imane tenga ha boli lada na’i zimaha boli mbora goi fao goi wa’amaha no’irugi mbolinia fa’ebua Rp. 25.000 sadumba (liter), marase ita da’a sa’e hanamomaha lada asala lofao goi wa’amaha mbora (beras), nalada maha tola tataha lota’a, mazui tabaloi tatano khoda lada yaha ba pot bunga fona newalida ma zinga nomo,”fehede Lesmanawar ba desa Hiliweto Gido.
Inono nasa fehede nia Lesmanawar, imane tenga ha harago zoguna zimaha, Gas LPG si 3 kg bersubsidi nozui lohadoi tesima’alui balo mano masonda ifuli zui lohadoi gas ande (langka), la’uwa faoma mangando -ngando ita (berdoa), inotonia wo.
Banahia sifabo’o mu’ando mbua wangera -ngera samosa aktifis LSM LIRA Nias Kabupaten Nias, Denius Gulo imane wanguma’o bawa’mawa lada da’a ufarou niha mbanuada ha latano khora lada, boi taroro ita wekoko,”fehede Denius Gulo ba telefo we’a nia.
Itohugo Denius Gulo imane wanguma’o hana sa’e lahalo ginoto ba kondisi wa’atosasa ba mbawa deu ande tatu marase ndabanuada bawangalui kefe, ide-ide goi mboli ni’amawada ebua si’ai mboli ni’olida,”ahera Denius Gulo sinduhu irasa.
Denius Gulo manotona ia ba famareta he batika propinsi ba hegoi famareta kabupaten bawamaigi hadia zalua banonowobanua.
Bamanotona ianasa ena’o jaringan internet ande nobaga (normal), tebai fahuhuo ita bakeluargada siso ba dano wekoli, inononasa tebai ta aplod berita da aplikasi ma tebai tafagamoi beritada, Denius Gulo samosa wartawan asese ifagamoi berita.
ArG.
